Імклівы прарыў тэхналогій, крэдыты Амерыцы, духоўнасць: новы расійскі фільм «Хай будзе так» ТРЭЙЛЕР
31 мая ў расійскім пракаце з'явіўся фільм «Хай будзе так», зняты ў межах праекту «Упэўненасць бізнэсу — будучыня Расіі».
Паводле сюжэту, падзеі фільма адбываюцца ў 2035 годзе, калі полюс развіцця перасунуўся на Усход — туды, «дзе захаваліся духоўнасць і культура, мужнасць і прыгажосць, гонар і сумленне».
Расія таго часу — гэта сусветны лідар, «моцная, шматнацыянальная краіна, па-ранейшаму зразумелая толькі тым, хто ў яе верыць».
Галоўнага героя чакаюць любоўныя прыгоды і здрадніцтва.
Акрамя таго, аўтары абяцаюць гледачу «магчымасць зазірнуць у будучыню, убачыць вяртанне да сапраўднага патрыятызму».
У Беларусі, відаць, «Хай будзе так» не пакажуць — у мінскіх кінатэатрах гэтага фільма ў афішы на чэрвень няма.