Беларусаў запрасілі на «марафон шопінгу» ў Беласток
З 27 чэрвеня па 5 ліпеня абяцаюць вялікія зніжкі і культурную праграму.
Фота: poranny.pl
Сайт polsha24.com абвесціў аб акцыі «Марафон беларускага тыдня шопінгу і адпачынку ў Беластоку». З 27 чэрвеня па 5 ліпеня крамы і гатэлі ў Беластоку (Польшча) прапануюць зніжкі, а гарадская адміністрацыя — культурную праграму.
У акцыі бяруць удзел гандлёвыя цэнтры «Auchan» і «Outlet Center», будаўнічыя гіпермаркеты і салон асвятлення, кірмаш «Targowisko Lech», гатэлі і партал нерухомасці.
Пасля закупаў прапануецца наведаць фестываль сербскай культуры, канцэрт польскай музыкі ў Фарным касцёле, оперу альбо выставу лятучых мадэлей.
Спіс удзельнікаў акцыі можа папаўняцца.