У Сухараве кіроўца Peugeot збіў двух дзяцей, выйшаў з машыны, страціў прытомнасць і памёр. А дзеці выжылі
Увечары 18 снежня ў сталічным мікрараёне Сухарава на скрыжаванні кіроўца Peugeot 207, павяртаючы, збіў двух дзяцей.
Паводле папярэдняй інфармацыі, 67-гадовы кіроўца Peugeot рухаўся па вуліцы Янкоўскага ў бок Шаранговіча і пры павароце направа ў бок Гарэцкага на рэгуляваным пешаходным пераходзе збіў дзяцей, якія пераходзілі дарогу на дазваляльны сігнал святлафора, распавялі ў ДАІ Фрунзенскага раёна.
Дзеці, хлопчыкі 12 гадоў, засталіся жывыя, атрымалі ўдары і ранкі. Кіроўца пасля здарэння выйшаў з машыны і страціў прытомнасць.
Як стала вядома Tut.by, у прытомнасць мужчына больш не прыходзіў і ноччу памёр у бальніцы.