Украінскі пасол завітаў да Ніны Мацяш з прэміяй
Паэтка была ўшанаваная за пераклады ўкраінскіх паэтаў міжнароднай літаратурна‑мастацкай прэміяй імя Рыгора Скаварады.
28 сакавіка ў гасьцях у вядомай беларускай паэткі Ніны Мацяш пабываў надзвычайны і паўнамоцны пасол Украіны ў Беларусі Ігар Ліхавы. Ён завітаў у кампаніі зь вядомымі беларускімі пісьменьнікамі Анатолем Вярцінскім, Сяргеем Законьнікавым, Генадзем Пашкевічам, каб уручыць літаратарцы зь Берасьцейшчыны міжнародную літаратурна‑мастацкую прэмію імя Рыгора Скаварады за пераклады ўкраінскіх паэтаў.