У Мінску на пераходзе насмерць збілі пешахода
ДТЗ адбылося вечарам, ужо ў цёмны час сутак, 10 лютага ў сталічным мікрараёне Чыжоўка на вуліцы Убарэвіча, 95 (насупраць стаянкі).
«Каля пераходу ляжыць накрытае цела, мяркуючы па ўсім, жанчыны. Побач Ford Mondeo — падобна, збілі проста на зебры», - напісаў Мікалай.
Жанчына-пешаход ад атрыманых у ДТЗ траўмаў загінула на месцы.
На ўчастку дарогі, дзе адбылася трагедыя, абсталяваны нерэгуляваны пешаходны пераход, дарога асветленая.