Бельгійскія тэрарысты планавалі выбухі на АЭС
Браты Халід і Ібрагім Бакраві планавалі тэракты на АЭС і сачылі за кіраўніцтвам цэнтра развіцця ядзерных тэхналогій, піша бельгійскі таблоід La Derniere Heure са спасылкай на ўласныя крыніцы.
Па дадзеных выдання, браты ўсталявалі камеру каля дома аднаго з кіраўнікоў цэнтра. 10-гадзінны відэазапіс паліцыя Бельгіі канфіскавала яшчэ ў снежні 2015 года падчас ператрусаў у сувязі з тэрактамі ў Парыжы. Пасля ахова ядзерных аб'ектаў была ўзмоцнена. Ніякага афіцыйнага пацверджання гэтых звестак няма.