Азаранка выйшла ў чвэрцьфінал Miami Open
Вікторыя Азаранка выйшла ў чвэрцьфінал тэніснага турніру Miami Open. Сёння ноччу яна выйграла ў іспанкі Гарбінье Мугурузы з лікам 7:6, 7:6.
У наступным раўндзе беларуска згуляе з Ёханай Контай (Брытанія).
Цікава, што Серэна Уільямс сёння ноччу на гэтым турніры прайграла расіянцы Святлане Кузняцовай 7:6, 1:6, 2:6 і выбыла з барацьбы.
Менавіта Серэну тыдзень таму Азаранка перамагла ў фінале турніру ў Індыян-Уэлсе.