Аўтамабіль са Статкевічам затрымалі на ўездзе ў Беларусь
Аўтамабіль, у якім вярталіся з Польшчы экс-кандыдат у прэзідэнты Мікалай Статкевіч з жонкай Марынай Адамовіч, быў сёння ноччу затрыманы на памежным пункце ў Бераставіцы.
Пра гэта паведаміў у сваім ФБ Юрась Адамовіч — сын Марыны Адамовіч.
«Аўтамабіль загналі ў бокс, праводзяць поўны надгляд машыны. Нешта шукаюць. Трымаюць дзве гадзіны, хоць прайшлі поўны кантроль», — напісаў ён.
Яшчэ праз дзве гадзіны ён удакладніў, што ў выніку прапусцілі ў Беларусь, канфіскаваўшы аўтамабільны пыласос (падарунак Юрася маці) і пару кубкаў «Белсата».