Дачка Хілары і Біла Клінтанаў нарадзіла другое дзіця
Фото Reuters
«Мы вельмі рады другі раз стаць дзядулем і бабуляй: у суботу, 18 чэрвеня 2016 года, нарадзіўся наш унук Эйдэн Клінтан Мезвінскі», — сказана ў заяве Біла і Хілары Клінтан.
36-гадовая Чэлсі Клінтан — адзіная дачка былога прэзідэнта ЗША Біла Клінтана і яго жонкі Хілары. Старэйшая сястра Эйдэна — Шарлота Клінтан Мезвінскі — нарадзілася ў 2014 годзе.
Чэлсі Клінтан — намесніца старшыні фонду Clinton Foundation, некамерцыйнай арганізацыі, заснаванай Білам Клінтанам. Яе муж Марк Мезвінскі — інвестыцыйны банкір.