Грыбнік падарваўся на барысаўскім палігоне
Грыбнік падарваўся на барысаўскім палігоне, паведамляе раённая газета «Адзінства» са спасылкай на мясцовы гарадскі аддзел МНС.
Паводле папярэдніх звестак, барысаўчанін вяртаўся дадому праз палігон, дзе ў яго зламаўся ровар. Каб паправіць ровар, грыбнік знайшоў на полі металічны прадмет і стаў стукаць ім па ровары. У выніку такіх дзеянняў адбыўся выбух. Мужчыну адарвала кісць рукі. Таксама ён атрымаў аскепкавыя раненні, ад чаго памёр на месцы.