Урад Узбекістана адмаўляе, што выпускаў паведамленне пра смерць Карымава
У прэс-службе ўрада Узбекістана заявілі, што не распаўсюджвалі паведамленне пра смерць прэзідэнта Іслама Карымава.
«Да цяперашняга часу інфармацыя пра смерць прэзідэнта Узбекістана Іслама Карымава не распаўсюджвалася ні на якіх інфармрэсурсах», — цытуе РІАН прадстаўніка ведамства.
За некалькі хвілін да гэтага расійскае агенцтва Інтэрфакс паведаміла пра смерць Карымава са спасылкай на ўрад Узбекістана. Пазней Інтэрфакс ануляваў гэтае паведамленне.