Лідар ІД выступіў з пагрозамі ў адрас Турцыі
Экстрэмісцкая групоўка «Ісламская дзяржава» распаўсюдзіла аўдыёфайл, у якім, як сцвярджаюць ісламісты, запісаная прамова іх лідара Абу Бакр аль-Багдадзі, паведамляе ВВС.
AFP
На запісы чалавек, якога ісламісты прадстаўляюць як аль-Багдадзі, выступае з пагрозамі ў адрас Турцыі, а таксама заклікае прыхільнікаў абараняць Масул, сцвярджаючы, што сілы ІД горад не пакінуць, а сам ён упэўнены ў перамозе.
Працягласць прамовы складае каля паўгадзіны. Сапраўднасць запісу не пацверджаная.
Гэта першы зварот аль-Багдадзі крыху менш чым за год. У сувязі з яго доўгім маўчаннем выказваліся здагадкі, што лідар ІД забіты, але групоўка не жадае паведамляць пра гэта.