У ЗША рэкордная колькасць людзей прагаласавала датэрмінова
Свой выбар па пошце ці на выбарчых участках зрабілі 46,2 млн чалавек, перадае Associated Press.
Рэкордныя паказчыкі зафіксавалі ў 28 штатах і ў акрузе Калумбія. Мяркуецца, што агульная колькасць датэрміновых галасоў можа дасягнуць 50 млн, або 40% ад агульнай колькасці тых, хто возьме ўдзел у выбарах.
Прафесар Універсітэта Фларыды Майкл Макдональд адзначыў, што цікавасць да датэрміновага галасавання ў многіх штатах стала беспрэцэдэнтнай.