Змена надвор'я адкладаецца на сярэдзіну тыдня
Сіноптыкі змянілі прагноз. Пацяпленне адкладаецца на сярэдзіну тыдня.
Як чакаецца, тэмпературы зменяцца на плюсавыя ў Берасці і Горадні з серады, у Мінску і Гомелі — з чацвярга, а ў Віцебску — толькі з пятніцы.
Пацяпленне, аднак, будзе істотным. У пятніцу будзе да плюс 9 у Берасці, плюс 6 у Мінску. Пройдуць моцныя дажджы, снег змые цалкам.
Да надыходу адлігі начныя тэмпературы будуць апускацца да мінус 4, мінус 5, удзень будзе адпускаць да нуля.
Апошні такі халодны лістапад, як сёлета, памятаецца ў 2006 годзе. Тады таксама ў пачатку месяца выпаў снег, і трымаліся маразы.