Антон Кушнір перамог на этапе Кубка свету па лыжнай акрабатыцы ў ЗША
Алімпійскі чэмпіён, фрыстайліст Антон Кушнір перамог на этапе Кубка свету па лыжнай акрабатыцы ў амерыканскім Лэйк-Плэсідзе.
Беларускі фрыстайліст набраў 120,36 пункта, апярэдзіўшы ў барацьбе амерыканца Мака Боханана. Трэцім стаў расіянін Максім Бураў.
Максім Гусцік заняў дзевятае месца, Арцём Башлакоў — 21-е.
У жанчын перамагла амерыканка Эшлі Колдуэл. Другое і трэцяе месцы занялі Даніэль Скот з Аўстраліі і Крысціна Спірыдонава з Расіі.
Аляксандра Раманоўская стала восьмай, Ганна Гуськова — 26-й.