Прэзідэнт Венесуэлы павысіў заробкі на 60% пасля пратэстаў
Прэзідэнт Венеуэлы Нікалас Мадура абвясціў пра павышэнне мінімальнага памеру аплаты працы, пенсій і заробкаў бюджэтнікам на 60% на фоне крытыкі і пратэстаў апазіцыі. На 1 мая ў Венесуэле намечаны новыя акцыі праціўнікаў і прыхільнікаў Мадура.
«Я вырашыў павысіць мінімальны аклад, пенсіі і аклады ўсіх бюджэтных работнікам, урачам, медсёстрам, вайскоўцам, паліцыянтам, пажарным і настаўнікам на 60%», - заявіў Мадура ў эфіры венесуэльскага тэлеканала Ві-ці-ві.
Мінімальны аклад быў павышаны да 200 тысяч балівараў, на чорным рынку гэтую суму можна абмяняць прыкладна на 50 даляраў ЗША, піша агенцтва Рэйтэр.