П'яны мужчына хацеў зрабіць сэлфі на пешаходным мосце праз МКАД — і загінуў
Пра гэта паведаміў БЕЛТА афіцыйны прадстаўнік УСК па Мінску Аляксей Клімовіч.
«УСК па горадзе Мінску высвятляе абставіны смерці мужчыны, які сёння каля 17.00 упаў з пешаходнага моста праз МКАД на дарогу паміж развязкамі ля вуліц Мазурава і Шаранговіча. На месцы працуюць следчыя, цяпер праводзіцца агляд месца здарэння, высвятляюцца абставіны таго, што адбылося», — распавёў Аляксей Клімовіч.
Паводле папярэдняй інфармацыі, мужчына быў у кампаніі з сябрамі, ён знаходзіўся ў стане алкагольнага ап'янення. Падзенне адбылося ў выніку няўдалага сэлфі.