75 гадоў таму прынялі пастанову «Аб спрашчэньні беларускага правапісу»
«Беларускі нацыянал-дэмакратызм, выходзячы з сваіх буржуазных, контр-рэвалюцыйных мэт, праводзіў падрыўную, шкодніцкую работу як на гаспадарчым, так і на культурным фронце, у тым ліку і ў галіне мовы, тэрміналёгіі і правапісу», гаварылася ў пастанове.
26 жніўня 1933 году была прынятая пастанова Савету Народных Камісараў БССР у моўным пытанні — «Аб зменах і спрашчэнні беларускага правапісу».
Дакумэнт падпісалі старшыня Савету Народных Камісараў Мікалай Галадзед, і кіраўнік спраў Савету Народных Камісараў БССР Сымон Кандыбовіч – пасьля вайны вядомы дзеяч на эміграцыі, супрацоўнік Інстытуту вывучэньня СССР у Мюнхэне.
Найбольш прыкметнай ахвярай рэфарматараў стаў мяккі знак.