Жыхар Брэста сярод белага дня задушыў сваю маці
Супрацоўнікі праваахоўных органаў высвятляюць абставіны і матывы злачынства, апытваюць суседзяў і знаёмых загінулай.
Супрацоўнікі міліцыі затрымалі жыхара Брэста, які падазраецца ў забойстве сваёй маці, паведамілі ў МУС. У мінулы чацвер у 14:50 у сваёй кватэры са слядамі збіцця быў знойдзены труп пенсіянеркі.
«Папярэдне стала вядома, што яе а 13:00 у сварцы, пасля сумеснага распівання спіртных напояў, збіў і задушыў беспрацоўны сын, 1983 года нараджэння», — паведамілі ў Міністэрстве ўнутраных спраў Беларусі.
Па падазрэнні ў здзяйсненні дадзенага злачынства мужчына затрыманы, супрацоўнікі праваахоўных органаў высвятляюць абставіны і матывы злачынства, апытваюць суседзяў і знаёмых загінулай.