Мінсувязі выпусціць канверт з маркай да 100-годдзя з дня нараджэння Янкі Брыля
1 жніўня Міністэрства сувязі і інфарматызацыі выпускае канверт з арыгінальнай маркай «100 гадоў з дня нараджэння Янкі Брыля», паведамляе сайт Белпошты.
Намінал маркі «А» адпавядае тарыфу на перасылку простага ліста масай да 20 грамаў уключна ў межах Беларусі.
Праект падрыхтаваны ў супрацоўніцтве з Дзяржаўным музеем гісторыі беларускай літаратуры.
Спецыяльнае памятнае гашэнне будзе праходзіць 4 жніўня ў аддзяленні паштовай сувязі № 1 (крама «Філатэлія», вул. Маскоўская, 16) у дзень нараджэння Янкі Брыля.
Мастак канверта і спецштэмпеля Мікалай Рыжы. Дызайн — Таццяны Кавалёвай.