Суд спыніў справу супраць відэаблогера Максіма Філіповіча
Як паведаміў у фэйсбуку прафсаюзны актывіст Андрэй Стрыжак, суд у Гомелі пастанавіў спыніць адміністратыўную справу супраць відэаблогера Максіма Філіповіча.
Суд палічыў, што «склад правапарушэння адсутнічае».
фота з фэйсбука Андрэя Стрыжака
Нагадаем, міліцыя абвінавачвала Філіповіча ў «фактычнай падмене сабой дзяржаўных СМІ, у тым ліку па фарміраванні грамадскай думкі, сярод грамадзян Беларусі».
У матэрыялах справы ў адносінах блогера фігуруюць 17 відэаролікаў і наўпроставых трансляцый, якія ён рабіў на розныя сацыяльныя тэмы.