Тэлеканал СТБ пакажа перадачу пра тое, што Зямля насамрэч плоская
У эфіры Сталічнага тэлебачання пакажуць праграму пра тое, што Зямля насамрэч плоская. Адпаведны выпуск «Самых шакуючых гіпотэз» з'явіцца ў эфіры 4 кастрычніка.
Нагадаем, беларускія дзяржаўнія тэлеканалы праз недахоп уласнага кантэнту рэтранслююць праграмы расійскага ТБ. У прыватнасці, «Сталічнае тэлебачанне» паказвае перадачы расійскага «Рэн ТБ».
У эфіры гэтага тэлеканала 25 верасня выйшаў выпуск праграмы «Самыя шакуючыя гіпотэзы» пра плоскую Зямлю.
У ім даводзіцца, што фотаздымкі круглай Зямлі — гэта мантаж, а насамрэч нашая планета плоская, накрытая нябесным купалам.
Усё гэта расказваецца вуснамі «экспертаў», у якасці доказаў прыводзяцца старадаўнія гравюры і лагічныя высновы, кшталту «самалёт не здолеў бы ляцець роўна, калі б зямля не была плоскай».
Навошта гэтае цемрашальства беларускім гледачам?
«А што тут такога? Гэта ж гіпотэза, вы можаце яе абвергнуць», — тлумачаць на СТБ.