Ад сёння ўзмацняецца кантроль на авіярэйсах у кірунку ЗША, на рэгістрацыю трэба з'яўляцца раней
Ад 26 кастрычніка ўзмацняецца кантроль на авіярэйсах з замежжа ў ЗША. На рэгістрацыі з пасажырамі будзе праводзіцца сумоўе. У іх могуць правяраць ноўтбукі ды іншыя электронныя прылады.
У сувязі з гэтым авіякампаніі просяць пасажыраў з'яўляцца на рэгістрацыю раней.
Штодзень у ЗША з замежжа прыбываюць каля 325.000 пасажыраў на 2.000 рэйсаў. Рэйсы ў ЗША ажыццяўляюцца з 280 аэрапортаў у 105 краінах. З Беларусі наўпроставых рэйсаў у ЗША цяпер няма.