На Віліі жыве вялікая чарада лебедзяў ФОТАФАКТ
Сёння, ідучы на масавае гулянне ў Ніжнім парку ў Вілейцы, многія збочвалі да Віліі. Як было не збочыць, калі па халодных хвалях плавала вялікая чарада лебедзяў. Птушак і маладых, і больш дарослых, было каля сарака, піша Рэгіянальная газета.
Яны не баяліся людзей. Да вялікай радасці дзятвы выходзілі на бераг і бралі з рук ежу. Разам з лебедзямі плавала некалькі качак.