Пасольства ў Вільні накіравала ноту Літве з нагоды інцыдэнту з грамадзянкай Беларусі на мяжы
Амбасада Беларусі ўжо накіравала афіцыйную ноту літоўскаму боку з нагоды інцыдэнту з надглядам беларускай грамадзянкі на мяжы па прылёце ў Вільню.
Гэтую інфармацыю паведамілі ў прэс-службе МЗС Беларусі, перадае БелТА.
Раней намеснік начальніка ўпраўлення інфармацыі і лічбавай дыпламатыі МЗС Андрэй Шупляк распавёў, што беларускія дыпламаты ў ініцыятыўным парадку ўсталявалі кантакт з грамадзянкай, каб удакладніць абставіны здарэння. На падставе гэтага меркавалася накіраваць афіцыйны запыт у Літву з просьбай вывучыць сітуацыю і праінфармаваць пра вынікі.
«Для нас важна, ці не былі парушаныя правы беларускай грамадзянкі», — падкрэсліў прадстаўнік беларускага МЗС.