Меркель: Вяртанне Расіі ў склад G8 немагчымае
Канцлер Нямеччыны Ангела Меркель не бачыць у агляднай будучыні магчымасцей вяртання да фармату «вялікай васьмёркі» з удзелам Расіі, паведамляе DW.
«Анэксія Крыма была відавочным парушэннем міжнароднага права»,
таму рашэнне выключыць Расію з сустрэч найбуйнейшых індустрыяльных дзяржаў было правільным, адзначыла яна ў сераду, 6 чэрвеня, у Берліне, адказваючы на пытанні дэпутатаў бундэстага.
Кіраўнік нямецкага ўрада падкрэсліла неабходнасць працягу інтэнсіўнага дыялогу па міжнародных пытаннях, у тым ліку з Расіяй.
«Я за перамовы з Расіяй, але з улікам наяўных у нас рознагалоссяў», — адзначыла Меркель, спаслаўшыся пры гэтым на «доўгую і падрабязную» размову з Уладзімірам Пуціным у Сочы, якая адбылася ў маі.