У самалёт, які ляцеў з Кішынёва, ударыла маланка
Фота Wikimedia Commons
У самалёт кампаніі Air Moldova, які выконваў рэйс Кішынёў—Санкт-Пецярбург, падчас палёту ўдарыла маланка, паведамляецца ў Facebook малдаўскай авіякампаніі.
Інцыдэнт адбыўся праз 10 хвілін пасля ўзлёту. Пасля ўдару маланкі экіпаж вырашыў вярнуцца ў Кішынёў. У самалёце знаходзіліся 113 пасажыраў.
Пасажыраў высадзілі ў Кішынёве і даставілі ў Пецярбург наступным рэйсам.
Тэхнічныя службы вядуць праверку самалёта.