Мытнікі знайшлі ў пасылцы з Нідэрландаў пісталет
Супрацоўнікі мытні «Мінск-2» знайшлі агнястрэльную зброю ў міжнародным паштовым адпраўленні з Нідэрландаў, паведамляе Дзяржаўны мытны камітэт.
Абрысы зброі паказала сканаграма. Пасылку накіравалі на мытны дагляд. У выніку быў знойдзены мушкет з дрэва і металу даўжынёй 49,5 сантыметра і вагой каля 1,3 кілаграма.
Матэрыялы справы для праверкі перададзеныя ў Следчы камітэт Кастрычніцкага раёна Мінска. Распачата крымінальная справа.