У Чарнобылі лось не мог выбрацца з радыеактыўнага возера — дапамаглі людзі
У Чарнобылі паліцэйскія дасталі лася проста за рогі з заражанага возера, паведаміла паліцыя Кіеўскай вобласці на сваёй старонцы ў Facebook.
Нейкім чынам лось зваліўся ў радыеактыўны вадаём, які знаходзіцца паміж чацвёртым і пятым энергаблокам Чарнобыльскай атамнай станцыі. Супрацоўнікі паліцыі, Дзяржаўнай службы надзвычайных сітуацый і радыяцыйна-экалагічнага біясфернага запаведніка прыехалі на месца, каб уратаваць жывёлу.
Чацвёра мужчын падплылі да лася на лодцы і выцягнулі яго з вады за рогі. Зараз жыццю звера нічога не пагражае.