Міністэрства культуры плануе зняць фільм пра падпольшчыка з Асіповічаў
Міністр культуры Юрый Бондар у інтэрв'ю sb.by распавёў пра планы развіцця беларускага кінематографа.
Бондар паведаміў, што ў рамках дзяржаўнай замовы ў вытворчасці знаходзіцца 33 карціны. Гэта і фільм пра жыццё Янкі Купалы «Пакуль будзе неба», і прыгодніцкая камедыя паводле рамана Людмілы Рублеўскай «Авантуры шляхціца Пранціша Вырвіча».
«У найбліжэйшы час плануем запусціць з Дзмітрыем Астраханам цікавы праект пра подзвіг нашага падпольшчыка з Асіповічаў, які будзе называцца «Супердыверсант». Гэта не чарговы баявік пра вайну, там будуць раскрыты лёс людзей»,
— заявіў міністр культуры.