Украінскі міністр: Праз блакаванне Расіяй Азоўскага мора мы ўжо страцілі $360 мільёнаў
Украінская марская галіна пацярпела страту на суму амаль ₴10 мільярдаў (каля $360 мільёнаў) пасля блакавання Расіяй Азоўскага мора. Пра гэта распавёў міністр інфраструктуры Украіны Уладзімір Амялян агенцтву Уніан.
«Гэта — велізарная сума, лічба набліжаецца да адзнакі ₴10 мільярдаў, калі браць агулам і дзяржаўныя прадпрыемствы, і Адміністрацыю марскіх партоў Украіны, і ўплыў на рэгіён. Мы заўсёды да гэтага сур'ёзна ставіліся, пачынаючы з будаўніцтва Керчанскага моста», — заявіў Амялян.
Па словах міністра, нягледзячы на »свабодны праход» у Керчанскім праліве, украінскія судны чакаюць па 15 гадзін.