Уладзімір Зяленскі заявіў, што супраць яго рыхтуюцца правакацыі
Кандыдат у прэзідэнты Украіны, шоўмэн Уладзімір Зяленскі заявіў, што супраць яго рыхтуюць крымінальныя справы і правакацыі. Відэа звароту ён выклаў у сваім фэйсбуку.
«Рэгіструюць крымінальную справу супраць мяне, супраць «Квартала», адмыванне нейкіх грошай», — адзначыў Зяленскі.
«Я думаю, у найбліжэйшы час з’явіцца крымінальная справа супраць мяне, што я нібыта ў 2002 годзе на аўтамабілі ў Чарнігаўскай вобласці збіў чалавека», — дадаў ён.
Першы тур прэзідэнцкіх выбараў пройдзе 31 сакавіка. Пра свае прэзідэнцкія амбіцыі заявілі больш за 40 кандыдатаў.