Курапаты працягваюць агароджваць пад аховай міліцыі ФОТА
Фота Радыё Свабода
5 красавіка будаўнічыя работы ў Курапатах аднавіліся, але ў значна меншых маштабах, чым днём раней. Рабочыя з арганізацыі «Заслаўебудіндустрыя» закопваюць металічныя слупы ўздоўж лесу з боку рэстарана «Паедзем паядзім», іншыя рабочыя мантажуюць секцыі металічнай сеткі, піша Радыё Свабода
Ужо зроблена каля 50 метраў агароджы. На пляцоўцы працуюць да 10 рабочых і спецыялістаў, іх абслугоўвае 2 грузавікі. Пагрузчыкаў і бульдозераў, якія ўчора валілі курапацкія крыжы, сёння на будоўлі не відаць.
Месца работ па-ранейшаму адгароджана бела-чырвонай стужкай; за тым, каб ніхто чужы не пранікаў за яе, сочаць некалькі міліцыянтаў і людзей у цывільным.
На баку лесу ад заслаўскай дарогі выкапаныя ямкі пад слупкі агароджы прыкладна на 100 метраў, але работы там не вядуцца.
Па саміх Курапатах можна хадзіць, як і ўчора ўвечары. Ачэплена стужкай толькі паласа ўздоўж лесу ад рэстарана, дзе ставяць агароджу.