На Мадэйры пры аварыі турыстычнага аўтобуса загінулі 28 турыстаў з Нямеччыны
Прынамсі 28 чалавек загінулі пры аварыі турыстычнага аўтобуса на партугальскім востраве Мадэйра. Пра гэта паведамляе партугальскі тэлеканал RTP са спасылкай на мясцовыя ўлады.
Сярод загінулых 11 жанчын і 17 мужчын; па папярэдніх дадзеных, усе яны грамадзяне Германіі. Яшчэ 28 чалавек дастаўлены ў бальніцу.
Паводле інфармацыі партугальскага выдання Diario de Noticias, аварыя адбылася на скрыжаванні. Вадзіцель па невядомых пакуль прычынах страціў кіраванне, і аўтобус урэзаўся ў будынак каля трасы.