Патэнцыйны прэзідэнт Літвы не выключае супрацоўніцтва краіны з Беларуссю на найвышэйшым узроўні
Фота з фэйсбука Наўседы
Эканаміст Гітанас Наўседа заявіў, што ў пэўных сферах хацеў бы «вельмі сяброўскіх» адносін з Беларуссю, і не выключыў магчымасць кантактаў з Мінскам на найвышэйшым узроўні, піша Delfi.lt
«Мы б хацелі вельмі дружалюбных адносін, заснаваных на эканамічным развіцці, заснаваных на лагістыцы, заснаваных на транспартнай інфраструктуры», — заявіў кандыдат у нядзелю ўвечары ў Вільні. «Я лічу, што ёсць шмат пытанняў, якія б мы маглі абмеркаваць на розным узроўні — міністэрстваў, міністраў, і магчыма, не магу гэта выключаць, магчыма, і на вышэйшым палітычным узроўні», - дадаў ён.
Наўседа ў першым туры заняў другое месца, саступіўшы Інгрыдзе Шыманіце — 0,18% (31,13% супраць 30,95%)
Другі тур пройдзе 26 мая.