У Мастах 22-гадовая з дапамогай рэменя і пляшкі нядрэнна павесялілася
Здарэнне адбылося ў аўторак, піша абласная міліцыя.
Дзяўчына была ў гасцях і выйшла адтуль мякка кажучы нападпітку.
У дварах дамоў па вуліцы Жукава ёй нешта стрэльнула ў галаву, яна дастала са штаноў папругу і металічнай спражкай пашкодзіла аўтамабілі, якія стаялі на паркоўцы. Але і гэтага дзяўчыне стала мала: яна адшукала пляшку і працягнула біць машыны.
Вынік гісторыі такі: у трох легкавых аўтамабілях разбітыя шыбы і падрапаныя дзверы, і крымінальная справа.