Зяленскі адмаўляе магчымасць перамоваў з Расіяй
president.gov.ua
Прэзідэнт Украіны Уладзімір Зяленскі адмаўляе магчымасць вядзення перамоваў з Расіяй, піша УНІАН.
Пра гэта ён сказаў перад пачаткам свайго выступу на IForum. На пытанне журналістаў, ці будуць перамовы з Расіяй, Зяленскі адказаў, што «не».
У самім форуме Зяленскі папрасіў прабачэння за тое, што наведвальнікі праходзілі праз рамкі, і пажартаваў, што хто-небудзь з прысутных на падзеі прыдумае альтэрнатыву рамачнаму кантролю.
21 мая кіраўнік Адміністрацыі прэзідэнта Андрэй Богдан заявіў, што ўлады разглядаюць вынясенне на ўсенародны рэферэндум пытанне аб заключэнні мірных дамоўленасцей з Расіяй.