Эканоміка Паўночнай Карэі перажывае сур'ёзны спад
Паўночная Карэя перажывае самы сур'ёзны за апошнія некалькі дзесяцігоддзяў эканамічны спад. Гэта адбылося на фоне міжнародных санкцый і засух, паведамляе агенцтва Bloomberg. Пхеньян не выдае свае эканамічныя звесткі, паказчыкі вылічвае Сеул, грунтуючыся на ўласнай інфармацыі.
Па дадзеных Цэнтральнага банка Паўднёвай Карэі, ВУП КНДР у 2018 годзе ў параўнанні з мінулым годам знізіўся на 4,1%. Спад працягваецца другі год запар, а новыя звесткі сталі горшымі з 1997 года, калі ВУП абваліўся на 6,5%. Тады гэта прывяло да масавага голаду.