У Смаргоні мужчына палохаў людзей пнеўматычным пісталетам
У Смаргоні мужчына 1987 года нараджэння выпіў і стаў неадэкватна паводзіць сябе на вуліцы, паведамляе ГУУС Гродна. 29 ліпеня а 21:30 ён прыйшоў на стаянку таксі па вуліцы Гагарына і зладзіў своеасаблівы перфоманс. Дастаў прадмет падобны да пісталета, і пагражаў, што зараз пачне страляць. Людзі пахаваліся за машынамі і выклікалі міліцыю. Калі мужчыну затрымалі, высветлілася, што размахваў ён пнеўматычным пісталетам. Дарэчы, стрэлам з яго таксама можна пакалечыць.
Распачатая крымінальная справа за хуліганства.