Расія выдаткуе $7 мільёнаў на барацьбу са смеццем у Сьера-Леонэ
Міністэрства фінансаў Расіі выдзеліць 455 мільёнаў расійскіх рублёў (больш за $7 мільёнаў) на барацьбу са смеццем у Сьера-Леонэ. Як піша Baza, у гэтую суму абыдуцца 200 смеццявозаў ГАЗ-3309, якія аддадуць ураду афрыканскай краіны.
Міністр замежных спраў Сьера-Леонэ Алі Каба папрасіў Расію бясплатна даць 200 смеццявозаў для ачысткі сталіцы краіны — Фрытаўна. Паведамляецца, што ў Расіі ўжо ўхвалілі вылучэнне сродкаў на дапамогу Сьера-Леонэ.
ГАЗ належыць расійскаму алігарху Алегу Дзерыпаску.