ЗША ўвялі новыя санкцыі супраць Расіі з-за справы Скрыпалёў
Прэзідэнт ЗША Дональд Трамп падпісаў указ аб увядзенні другога пакета санкцый супраць Расіі. Пра гэта паведамляе Politico са спасылкай на двух амерыканскіх чыноўнікаў, піша lenta.ru.
Абмежавальныя меры будуць уведзеныя ў сувязі з ужываннем рэчыва «Навічок» у брытанскім Солсберы. Адзначаецца, што дзярждэпартамент і міністэрства фінансаў ЗША падрыхтавалі пакет санкцый у канцы сакавіка, аднак амерыканскі лідар адкладваў падпісанне дакумента. Як піша выданне, ён адмыслова замарозіў другі раўнд санкцый з-за нежадання процідзейнічаць Пуціну.
У ліпені камітэт палаты прадстаўнікоў ЗША па замежных справах заклікаў Трампа ўвесці супраць Масквы другі раўнд санкцый. Такім чынам планавалася «прывесці Расію да адказнасці за грубае ўжыванне хімічнай зброі ў Еўропе».