У жыхара Жыткавіч злодзей скраў абрэз. Злачынцу злавілі, а гаспадару зброі зараз пагражае да 12 гадоў
У снежні мінулага года жыхар Жыткавіч паведаміў аб крадзяжы з яго гаспадарчай пабудовы рознай маёмасці. Зламыснік пажывіўся рыбалоўнымі снасцямі, электраінструментам, дыёдным свяцільнікам і іншай драбніцай на агульную суму 390 рублёў, паведамляе Новае Палессе.
Ужо праз суткі падазраванага знайшлі і ён ва ўсім прызнаўся. Пры гэтым добраахвотна выдаў крадзенае. Злодзей прызнаўся, што разам з вудамі ён вынес з хлява і абрэз паляўнічай стрэльбы 16 калібра.
Пазней завялі крымінальную справу ўжо супраць пацярпелага.
За захоўванне незарэгістраванай паляўнічай зброі мужчыну пагражала б адміністрацыйная адказнасць. У гэтым выпадку крымінальнай не пазбегнуць.
Цяпер мужчыну пагражае да 12 гадоў турмы.