Расійская дэлегацыя вылецела на перамовы Лукашэнкі і Пуціна з затрымкай у дзве гадзіны
Самалёт спецыяльнага лётнага атрада «Расія», на якім знаходзіцца частка урадавай дэлегацыі і журналісты расійскага прэзідэнцкага пула, вылецеў з Масквы ў Сочы на перамовы прэзідэнтаў Расіі і Беларусі з двухгадзіннай затрымкай, паведамляе ТАСС.
Першапачаткова вылет спецборта быў запланаваны на восем раніцы. На борце самалёта знаходзяцца віцэ-прэм'ер Аляксей Аверчук, міністр энергетыкі Аляксандр Новак і першы намеснік міністра эканамічнага развіцця Міхаіл Бабіч.
Рэйс з маскоўскага аэрапорта Унукава быў адкладзены з-за складаных умоў надвор'я — снежнага бурану з моцным бакавым ветрам.
У адпаведнасці з праграмай, пачатак перамоў на найвышэйшым узроўні быў намечаны на 12 гадзін.