Памёр абаронца Курапатаў Барыс Дуброўскі
Пра смерць актывіста Наталлі Саматыя паведаміла Ніна Багінская, піша «Новы час», учора ўдваіх з Барысам Дуброўскім яны вярталіся а 19-й з Курапацкай варты, спадар Барыс упаў, людзі, якія былі побач, выклікалі хуткую, дактары спрабавалі яго рэанімаваць, але ён ужо памёр.
Барыс Дубоўскі (са сцягам) на Курапацкай варце, фота з фэйсбука Змітра Дашкевіча
Барыс Дуброўскі ўдзельнічаў у Курапацкай варце цягам двух гадоў, хадзіў туды двойчы на тыдзень — па аўторках і пятніцах. Заўжды стаяў з 16 да 20 гадзіны. Ездзіў падтрымліваць паплечнікаў у суды, сёлета сам быў аштрафаваны за ўдзел у снежаньскіх акцыях за незалежнасць.
Год таму на Варце Барыса Дуброўскага збілі агрэсіўныя наведвальнікі рэстарана «Поедем поедим».