Нафта патаннела на 7% за дзень
За адзін дзень цэны на нафту страцілі ўсё, што набралі за два тыдні росту. Нафта маркі Brent страціла $3,99 на барэлі, або 7,7%, апусціўшыся да $47.99 за барэль.
Рост цэнаў да $54 за барэль на мінулым тыдні пасяліў надзеі ў экспарцёрах сыравіны.
У якасці прычынаў называюцца ўзмацненне даляра, а таксама нізкі попыт на нафту на сусветных рынках. Учора прыйшлі весткі, што амерыканскі ўрад гатовы дапусціць банкруцтва двух найбольшых аўтавытворцаў краіны - кампаній Джэнэрал мотарз і Крайслер.