Штаб Бабарыкі запусціў анлайн-карту, на якой можна выбраць участак для назіранняў
Ініцыятыва выбарчага штаба Віктара Бабарыкі «Мы сумленныя людзі» запусціла інтэрактыўную карту, на якой у рэальным часе паказана, на якіх участках людзі падалі заявы ва ўчастковыя выбарчыя камісіі.
Карта «Мы сумленныя людзі»
Для прэзідэнцкіх выбараў створана 5767 участкаў. У кожнай камісіі павінны быць сумленныя людзі, кажуць у штабе. Калі кружок на месцы ўчастка зафарбаваны чырвоным, то там пакуль ніхто не падаў заяву.
Калі аранжавым, там ёсць заява ва УВК.
Калі зялёным, пададзена больш за 2 заявы, таму актывісты просяць падабраць іншы ўчастак, дзе пакуль няма заяў.