Стала вядома аб стане трэцяга рабочага, якога дасталі з калодзежа побач з будоўляй метро ў Мінску
Фота Адар'і Гуштын
Позна ўвечары 26 чэрвеня на праспекце Дзяржынскага побач з плошчай Багушэвіча адбылося надзвычайнае здарэнне, піша Tut.by.
З кабельнага калодзежа дасталі траіх мужчын без прытомнасці, іх спрабавалі рэанімаваць проста ў першай паласе праезнай часткі, аднак дваіх рабочых выратаваць не ўдалося.
Трэцяга даставілі ў бальніцу. Як паведамілі TUT.BY у Міністэрстве аховы здароўя, яго ўжо перавялі з рэанімацыі ў звычайнае аддзяленне, стан пацыента — сярэдняй цяжкасці.
Паводле папярэдняй інфармацыі, мужчыны пад зямлёй праводзілі работы. Дэталі ў МНС не паведамляюць, цяпер справай займаецца Следчы камітэт. Іншыя падрабязнасці пакуль не вядомыя.
Нагадаем, зараз вядуцца работы па добраўпарадкаванні плошчы Багушэвіча, дзе размешчана аднайменная станцыя трэцяй лініі метро