У Гомелі мастачку асудзілі на 15 сутак за плакат «Сашы больш не наліваць»
У Гомелі судзілі Марыю Тульжанкову. Суддзя Цэнтральнага раёна Алеся Осіпава прызнала мастачку вінаватай ва ўдзеле ў несанкцыянаванай акцыі з плакатам. Гамяльчанку пакаралі арыштам на 15 сутак, паведамляюць праваабаронцы.
Нагадаем, 12 кастрычніка ў кватэры Тульжанковай прайшоў ператрус, былі канфіскаваныя ноўтбук і мабільны тэлефон. Саму Тульжанкову ў той дзень даставілі ў фінміліцыю для апытання ў якасці сведкі.