Пад Крупкамі сутыкнуліся фуры — загінулі кіроўцы
Пад Крупкамі на 484-м км аўтадарогі М1 Брэст-Мінск-мяжа Расійскай Федэрацыі адбылося лабавое сутыкненне грузавікоў, загінулі два чалавекі.
Кіроўца Mercedes Actros з паўпрычэпам не справіўся з кіраваннем і выехаў на паласу сустрэчнага руху, дзе сутыкнуўся з грузавіком Scania. У выніку ДТЗ Mercedes загарэўся.
Супрацоўнікамі МНС у кабіне Scania выяўленыя двое загінулых: 54-гадовы ўраджэнец Кобрына і 45-гадовы ўраджэнец Маладзечна.