Прызначэнне Латушкі — сур’ёзны крок
які незалежнае грамадства не мае права абмінуць увагай. Піша Барыс Тумар.
Вядома, талкавей было б, каб першым беларускамоўным міністрам стаў міністр транспарту ці абароны— знаёмыя мне беларускамоўныя эканамісты дадуць форы іншым цяперашнім міністрам. Па-беларуску можна не толькі вершы пісаць.
Па-беларуску як найлепш будаваць цэнтральнаеўрапейскую нацыю і краіну.
Але што ж — культуры дык культуры.
Прызначэнне першага беларускамоўнага міністра новага пакалення — важны крок Аляксандра Лукашэнкі, які незалежнае грамадства не мае права абмінуць увагай.З Паўлам Латушкам варта працаваць.
Адзін дуб то не лес. Знакам сапраўдных пераменаў у палітыцы ідэнтычнасці будуць беларускамоўныя міністры, дапусцім... транспарту і абароны.
Менавіта па наступных кадравых кроках, а не дэкларацыях трэба ацэньваць змены ў палітыцы.